Кечээ 13-апрелде, саат 18:00дөн 18:30га чейин Кыргызстан менен Тажикстандын делегацияларынын жолугушуусу болуп өттү.Бул тууралуу чек ара кызматынан билдиришти.
Кыргыз делегациясын КР УКМКнын төрагасынын биринчи орун басары – Чек ара кызматынын директору Уларбек Шаршеев жетектеди. Ал эми тажик делегациясын Тажикстандын Улуттук коопсуздук мамлекеттик комитетинин төраганын биринчи орун басары – Чек ара аскерлеринин кол башчысы Раджабали Рахмонали жетектеди.
Сүйлөшүүдөдө бир катар макулдашууларга жетишишти, алар,
— чек арага тартылган кошумча күч жана каражаттарды туруктуу жайгаштыруу жайларына алып чыгууну улантуу.
-Жоопкерчиликтүү аймактар боюнча жумушчу топ түзүп, чек ара кезметтеринин жүрүү маршруттарын тактоо.
Жергиликтүү калкка жерди жана сууну биргелешип пайдалануу тартиби жөнүндө мурда жетишилген макулдашууларды сактоо боюнча түшүндүрүү иштерин жүргүзүү.
-Чек арачылардын өзүн-өзү алып жүрүү талаптарын так аткарууну камсыз кылуу.
