Кыргызстандын эмгек сиңирген артисти, Шайыргүл Касмалиева сахна менен коштошуу кечесин өткөрдү. Бул тууралуу Касмалиева эмгектенген Токтоболот Абдумомунов атындагы Кыргыз улуттук академиялык драма театрынан маалымдашты.
Шайыргүл Касмалиева Москвадагы “Щепкин” атындагы театралдык окуу жайда билим алган. 1990-жылы Улуттук театрдын босогосун аттап кирип, 32 жылдан бери үзүрлүү эмгектенип келген.
Актриса чыгармачылык жолунда көптөгөн кино жана спектаклдерде кайталангыс образдарды жараткан.
