Кадамжай районундагы Майдан айыл өкмөтүнө караштуу “Пум” мечитинде аялдар арасында Куран жарышы өткөрүлдү.Бул тууралуу муфтияттын сайтында жарыяланды.
Иш-чарага Кадамжай районунун баш имам хатиби Ибрахим ажы Хаиткулов катышып, “Куран, адамдын кулк-мүнөзүнүн өзгөрүшүнө себепчи болот деп белгилеп, Куран жаттоонун жана аны башкаларга үйрөтүүнүн сообу туурасында баяндама жасап, катышуучуларды Куран жаттоого жана ага амал кылууга чакырды.
Сынак 1 пара жаттоо жана көркөм окуу боюнча болуп, жыйынтыгында уюштуруучулар тарабынан белектер тапшырылды.
