Сүлүктү шаарында заманбап типтеги спорт комплексинин курулушу башталды. Бул тууралуу президенттин Баткен облусундагы өкүлчүлүгүнүн басма сөз кызматы маалымдады.
Жалпы сметалык баасы 26 млн сомду түзгөн спорт комплексинде негизинен спорттун волейбол, футбол жана баскетбол түрүнө ылайыкташкан атайын аянтчалар болот.
Жалпы аянты 80 чарчы метр болгон, эки кабаттуу имараттын курулушу менен,бул облустагы эң чоң комлекс болот деп айтылат маалыматта.
Курулуш иши ушул жылдын октябрь-ноябрь айларына бүткөрүлөөрү пландалды.
