КР Өзгөчө Кырдаалдар Министрлигинин атайын алдын алуу жана селдин кесепетин жоюу иш чарасынын негизинде, Баткен районунун Суу-Башы айыл өкмөтүнүн Апкан айылында коргоо тосмону бекемдөө иштери колго алынды.
Натыйжада, Апкан айылында 35 турак үй, мектеп, мечит, ФАП жана жергиликтүү элдин үлүш жер аянты сел коркунучунан коргоого алынат.
Ал үчүн министрлик тарабынан 44 тонна цемент, 2 тоннадан ашуун арматура бөлүнүп берилген.
Коргоо тосмонун алдын бетон менен коргоо жумуштары айыл өкмөтү тарабынан жасалып, жергиликтүү элдин күчү менен ишке ашууда.Бул тууралуу аталган мекеден билдиришти.
