Баткенде кубаттуулугу күнүнө 1000 тонна болгон асфальт завод ишке берилет. Бул тууралуу облустук бийликтин басма сөз кызматы билдирди.
Ага ылайык, 2024-жылы Баткен облусунда 40 чакырым жолго асфальт төшөө пландалган. Аталган ишкана ишке берилсе, аймактагы жолдорду асфальт менен камсыздоо мүмкүнчүлүгү түзүлөт. Ошондой эле быйылкы жылы Япон грантынын эсебинен Баткен облусуна 43 жол техниканын берилүүсү да күтүлүүдө.
