Кызыл-Кыя шаарында 72 жаштагы адамды белгисиз автоунаа сүзүп качып кеткен. Бул тууралуу облустук милициядан маалымдашты.
Бул окуя 11-июнь күнү саат 03:15 чамасында Кызыл-Кыя шаарынын көчөлөрүнүн биринде болгон. Кылмыш иши боюнча Кызыл-Кыя шаардык милиция кызматкерлери тарабынан ыкчам-иликтөө иш-чаралары уюштурулган.
Иликтөөнүн жүрүшүндө Кызыл-Кыя шаарынын 20 жаштагы тургуну кармалып, убактылуу кармоо жайына киргизилди. Учурда тергөө иштери уланууда.
