Бүгүн 1-ноябрда Баткен шаарында облус аймагынан келген жергиликтүү өз алдынча башкаруу органдарынын кызматкерлери үчүн окутуу уюштурулду. Бул боюнча облустук бийликтен билдиришти.
Окутууда катышуучулар иш учурунда көп кездешкен маселелер жер мунапысы, жерлерди трансформациялоо, жерлерди ижарага берүү, салык топтоодогу жаңы өзгөрүүлөр, салык системасын санариптештирүүнү өздөштүрүү, сугат сууну туура бөлүштүрүү, аймакка инвестиция тартуу жолдору, долбоорлорду жазуу, аймакты ар тараптуу өнүктүрүү мүмкүнчүлүктөрү жөнүндө маалымат алышты.
