Кадамжай районунун Үч-Коргон айыл аймагы аркылуу өткөн Ош-Раззаков унаа жолунун коргоо аймагына чыгып, курулган 89 объект бузулууда. Бул тууралуу Баткен регионалдык шаар куруу жана архитектура боюнча башкармалыгынан билдиришти.
Маалыматка караганда, шаар куруу жана архитектура боюнча башкармалыгы жана айыл өкмөт кызматкерлери тарабынан курулуш объекттердин ээлерине тиешелүү эскертүүлөр берилген.
Бүгүнкү күндө 15 ке жакын мыйзамсыз курулуштар жарандардын өз эсебинен бузулуп, жер тилкелери кайрадан калыбына келүүдө. Буга окшогон иш аракеттер шаар куруу жана архитектура боюнча башкармалыгы тарабынан райондун башка аймактарында да уланууда, – деп айтылат маалыматта.
