Лейлек районундагы «Раззаков» аэропортунун учакты кабыл алуу аянтчасы кеңейтилет. Бул тууралуу «Манас» эл аралык аэропортунан билдиришти.
Маалыматта, бул аба майданда бир гана учакты кабыл алуу мүмкүнчүлүгү бар, буга байланыштуу 3 учак туруучу жай кылып, чоңойтууга долбоор иштелип жатканы айтылат.
Жакынкы мезгилде долбоор даярдалып бүткөн соң курулуш иштери башталат.
Учурда «Раззаков» аэропорту толук кандуу иштеп, «Тез Жет» авиакомпаниясы Бишкек-Раззаков-Бишкек багыты боюнча каттамдарды шейшемби, бейшемби, ишемби күндөрү жумасына 3 жолу аткарууда.
