Түркияда президенттик шайлоонун экинчи айлампасындагы добуштардын 98% саналып бүттү.
Hurriyet басылмасы билдиргендей, алдын ала жыйынтыктар боюнча, Режеп Тайып Эрдоган алдыда баратат. Ал шайлоочулардын 52,08% колдоосуна ээ болду. Анын атаандашы, бирдиктүү оппозициянын талапкери Кемал Кылычдароглу азырынча добуштардын 47,92% топтоду.
Добуш берүүгө шайлоочулардын 85% ашыгы катышты. Өлкө боюнча 191 миңден ашык шайлоо үкөктөрү орнотулган.
Түркиянын шайлоо борборунун маалыматына караганда, шайлоонун экинчи айлампасы мыйзам бузууларсыз өткөн.
