Кечээ, 15-июлда Кызыл-Кыя шаардык бийлиги аз камсыз болгон үй-бүлөлөрдүн балдарын, майыптыгы бар жана камкордукка алынган балдарды Ак-Суу балдардын ден соолугун чыңдоо борборуна жөнөттү.
Шаардык бийликтин маалыматы боюнча, жалпы 100 бала аталган борборго жөнөтүлдү. Балдарды шаар мэри Асилбек Маткалыков өзү узатып, аларды коопсуздук эрежелерин так сактоого чакырып, көңүлдүү эс алуу каалады.
