Баткен районунун Тажикстан менен чектешкен Көк-Терек айылындагы Достук – Ак-Сай унаа жолунда көпүрө бузулуп, жол жабылды. Бул туурасында Транспорт жана коммуникациялар министрлиги маалымат таратты.
Ага ылайык, учурда биргеликте көпүрөнү калыбына келтирүү иштери боюнча сүйлөшүүлөр жүрүп жатат.
10-июлда Баткен жана Лейлек райондорунда сел жүрүп, Айгүл-Таш-Согмент-Таян, Сох-Кан-Зардалы, Коргон-Катран-Баул жана Ош-Баткен-Раззаков унаа жолунун 313-330-чакырымдары менен ушул эле жолдун Баткен-Боз-Адыр тилкесинде каттам убактылуу жабылган.
Азыркы тапта Баткен-Боз-Адыр жолу эки тараптуу ачылып, калган унаа жолдордо бир тараптуу каттам жүрүп жатат.
