Маалыматка караганда 14-декабрь күнү, Казакстандын Жамбыл облусунун Кордай районунда жааган кардын кесепетинен Алма-Ата –Ташкент унаа жолунда кар күрткү пайда болуп, унаа жолу жабылган.
Алдын ала 112 кызматына келген маалымат боюнча, Алга айылы менен Кордай айылынын ортосунда 100-150дөй унаа жүргүнчүлөрү менен Кыргызстан тарапка өтө албай калган. Бул тууралуу ӨКМден билдиришти.
Жол тыгында калып калган жарандарды чыгарууга көмөктөшүү максатында Кыргызстандын өзгөчө кырдаалдар министирлиги тарабынан 39 куткаруучу, 8 техника кырсык болгон аймакка барышкан.
Жолду ачуу жана кутакаруу иштерине Казакстандын өзгөчө кырдаалдар департаменти тарабынан 99 куткаруучу жана 37 оор техника тартылган.
Мындан сырткары жарандарды коопсуз жайга эвакуациялоо жүргүзүлүүдө.
