Улуттук банктан билдиришкендей, эми акчаны кайсы валютада жөнөтсө, ошол валютада алса болот. Мындай токтомду Улуттук банк 26-июлда кабыл алды.
Бул чечим, өлкөнүн ички валюта рыногундагы кырдаалдын турукташуусуна байланыштуу, ошондой эле чет элдик валюта менен «мүмкүн болгон алып-сатарлык операциялардын алдын алуу» үчүн кабыл алынган.
Белгилей кетсек, Кыргызстандыктар акча которууларды сом менен жана алар келген өлкөнүн валютасында гана ала алат деген чектөөнү Улуттук банк 2022-жылдын апрелинде киргизген болчу.
