Кадамжай районунун Исхак-Полотхан айылынын 49 жаштагы тургуну Ноокаттын 42 жаштагы тургунун өлтүрүүгө шектелип кармалды. Бул тууралуу облусттук милициядан кабарлашты.
Ага ылайык, маркумдун сөөгү Таштемир-Ажы базарынын күн чыгыш тарабындагы Сухой-Сай тилкесиндеги эч ким жашабаган кароосуз калган бөлмөнүн ичинен табылган. Ошондой эле маркумдун денесинде жаракаттар бар экендиги аныкталган.
Аталган факты боюнча соттук-медициналык экспертизалар дайындалып, кылмыш-жаза кодексинин “Адам өлтүрүү” беренесинин негизинде кылмыш иши козголгон.
Шектүү буга чейин сот жообуна тартылгандыгы белгилүү болду. Кармалган жаран убактылуу кармоо жайына киргизилип, учурда тергөө иштери уланууда.
