Бүгүн, 8-ноябрда Президент Садыр Жапаров «Кыргызстандагы дин тутуу эркиндиги жана диний уюмдары жөнүндө» мыйзам долбоорун талкуулоо үчүн диний ишмерлер менен жыйын өткөрдү.
Президент Садыр Жапаров Кыргызстан светтик мамлекет экенин жана дин ишине кийлигишпестигин айтып, бирок диний чөйрөдөгү башаламандыкты жоюу жана ынтымакты орнотуунун зарылдыгын белгиледи.
Мамлекет башчысы диний ишмерлердин радикалдык элементтерге каршы күрөшүүсү зарылдыгын баса белгилеп, Муфтият менен Аалымдар кеңеши өз позицияларын бекемдеп, динге жамынып алып катуу жолго түшкөндөрдү оң жолго салуусу керектигин айтты.
