Кадамжайлык Сайкал Ниязова таяк тартыш боюнча Кыргызстан чемпиону болду. Бул тууралуу Салам Медиага спортчу Сайкал Ниязованын апасы Сейитова Гүлнара билдирди.
Анын айтымында, 8-апрелде Бишкек шаарында Чыңгыз Айтматовдун 95 жылдыгына арналган Кыргызтандын таяк тартыш боюнча 7-чемпионатында жеңишке жетишкен. Ал 70 кг салмактагылар арасында күч сынашты.
Сайкал Ниязова таяк тартыштан сырткары кол күрөш менен да машыгат. Ушул жылдын 25-26-март күндөрү борбор калаада өткөн республикалык мелдеште 75 килограммга чейинки салмактагы спортчулар арасында чемпион аталган.
Сайкал Ниязова 2005-жылы Кадамжай районунун Көтөрмө айыл өкмөтүнүн Тамаша айылында төрөлгөн.
Учурда ОшМунун дене тарбия факультетинде 1-курсунун студенти. Эске сала кетсек Сайкалдын апасы Гүлнара Сейитова да спортчу, Тамаша айылындагы Акжол Камбаров атындагы мектептин дене тарбия мугалими.
