Бүгүн 7-апрель күнү Баткен шаарында апрель окуясынын курмандыктары эскерилди. Ага президенттин ыйгарым укуктуу өкүлү Абдикарим Алимбаев баштаган жетекчилер, окуу жайдын окутуучулар курамы, жаштар катышты.
Иш чарада апрель окуясынын маани маңызы, хроникасына тарыхчы-окутуучулар кеңири токтолуп, иш чаранын соңунда курман болгондорго багышталып куран окулду.
Эске салсак, 2010-жылдын 7-апрелинде Бишкектин борбордук аянтында элдин толкуну менен Бакиевдик бийлик кулатылган. Бул окуяда Баткендин беш тургуну көз жумуп, төртөө жаракат алган.
