Бүгүн 7-сентябрда Баткен шаарында 11 үй-бүлөгө социалдык жардам берүү максатында ссуда катарында 100 миң сомдук сертификат тапшырылды. Бул тууралуу шаардык мэриядан билдиришти.
Буга чейин «Социалдык келишим» долбооруна Баткен шаары жана Баткен районунан жалпы 48 үй-бүлө бизнес-пландарын тапшырышкан. Долбоордун алкагында Баткен шаарындагы 16 жашка чейинки жашы жете элек балдары үчүн “Үй-бүлөгө көмөк” жөлөк пулун алган 11 аялуу жана аз камсыз болгон үй-бүлөлөр жеке бизнесин ачуу мүмкүнчүлүгүнө ээ болушту.
Баткен райондор аралык Эмгек, социалдык камсыздоо жана миграция башкармалыгынын башчысы Сүйүнбай Сатыбалдыевдин айтымында: «Долбоор 3 жылга эсептелген, бул мезгилде насыя алган үй-бүлөлөр жеке бизнесин ачып, жөлөк пулга муктаж үй-бүлөлөр категориясынан чыгышы керек.
Убактылуу жобону ишке ашырууга жыл сайын Кыргыз Республикасынын Эмгек жана социалдык өнүктүрүү министрлигинин бюджетинен 300 млн. сом каралат, деп белгиленет маалыматта.
