Президенттин Баткен облусундагы ыйгарым укуктуу өкүлү Абдикарим Алимбаев Бириккен Улуттар Уюмунунун Кыргызстандагы Өнүктүрүү программасынын туруктуу өкүлүнүн орун басары Моника Ризалды кабыл алды. Бул тууралуу облустук өкүлчулүктүн басма сөз кызматы маалымдады.
Тараптар негизинен экологияны жакшыртуу, туризм багытын өнүктүрүү, жаштар саясаты маселелери боюнча кызматташууну талкуулашты.
Эки тараптуу долбоорлорду ишке ашыруу менен, Баткен облусун өнүктүрүү багытындагы дагы бир катар сунуштар айтылды.
