Кыргызстандын Тажикстан менен чек арасында, Алай кырка тоолорунда 3 баллга жеткен жер титирөө катталды. Бул тууралуу сейсмология институту кабарлады.
Маалыматка ылайык, жер титирөөнүн очогу Алай кырка тоолорунда, Ачык-Суу айылынан туштүк-чыгышты карай 11 чакырым, Ош шаарынан түштүк-батышты карай 132 чакырым алыстыкта жайгашкан.
Жер силкинүүсү Кыргызстандын калктуу пункттарында сезилген эмес.
Автор: Сабира Бакирбек кызы
