Эртең 14-ноябрь күнү Баткен шаарынын борбордук аянтында, саат 10:00дө, Эл аралык айыл чарба жарманке-фестивалы өтөт.
Жарманкеге жергиликтүү өндүрүүчүлөр менен катар, Өзбек Республикасынын Сох, Рыштан райондорунун дыйкан фермерлеринин, ишкерлеринин өндүргөн продукциялары коюлат.
Иш чара элди арзан баадагы органикалык азык түлүктөр менен камсыздоо, жергиликтүү өндүрүүчүлөрдүн продукцияларын тартуулоо, кыргыз-өзбек элинин ынтымагын, ишкерлеринин кызматташтыгын чыңдоо максатында уюштурулган.
Жарманке кыргыз-өзбек маданият өкүлдөрүнүн катышуусундагы маданий иш чаралар менен коштолот.
