Кечээ, 11-декабрда Президент Садыр Жапаров Улуттук коопсуздук мамлекеттик комитеттин Баткен облусундагы башкармалыгынын жаңы имаратын ачты. Бул тууралуу президенттин маалымат кызматы билдирди.
Маалыматка караганда, ачылышта мамлекет башчысы Баткен башкармалыгынын түзүлүшү жана өнүгүшү — улуттук коопсуздук органдарынын кызматкерлеринин ак ниет кызматынын үзүрү жана үлгүсү, деп баса белгиледи.
Ошондой эле президент жаңы объекттин кызматтык жайларын карап чыгып, жаңыланган шарттарды көрүп, кызматкерлери менен баарлашты.
