“Аялдар тынчтык үчүн” долбооруун жеңүүчүлөрү аныкталды. Буга чейин кыз-келиндер ишкердикти баштоо багытында бир катар окутуулардан өтүшкөн. Бул тууралуу “Салам Медиага” аталган долбоордун координатору Халима Усманова кабарлады.
Белгилей кетсек, бул долбоор Баткен районунун Самаркандек, Кара-Бак, Ак-Татыр, Ак-Сай айыл аймактарындагы аялдар арасында ишке ашууда.
Долбоордун катышуучуларына өзүнө болгон ишенимди жогорулатуу жана стресске карата туруктуулук боюнча психологиялык жардам көрсөтүлөт. Мындан тышкары аялдардын лидерлиги: натыйжалуу коммуникация көндүмдөрү, медиа, каржы жана маалыматтык сабаттуулук, аялдардын чечим кабыл алуу процессине катышуу механизмдери боюнча окутуулар өткөрүлөт. Ошондой эле, бизнес планы жактырылган болсо керектүү жабдыктар сатып алып берилет.
