Иллюстрациялык сүрөт
Баткен шаардык муниципалдык менчик департаментинин башчысы Акрам Акматовдун билдирүүсүнө караганда шаарда коомдук транспорт үчүн 20 жаңы ыңгайлуу шарттары менен аялдама орнотулат.
Маалыматка ылайык, аялдамаларда смартфон кубаттап алганга атайын түйүндөр да орнотулат. Мындан тышкары тургундардын коопсуздугу үчүн видео көзөмөл коюлат. Аялдамалар ижарага берилет. Андан сырткары, таштанды челектер менен отургучтар ижарага алгандардын эсебинен жасалат.
Буга чейин М.Салихов көчөсүндө жолду кеңейтүү иштери жүрүп, тротуар курулган. Курулуш иштерине тоскоолдук жараткан курулуштар алынган.
