“Мега” уюлдук оператору Зардалыга байланыш орнотту. Бул тууралуу бүгүн, Президенттин Басма сөз катчысы Аскат Алагөзов фейсбук баракчасына видео жарыялады.
Видео тасмада “Мега” компаниясынын башкы директору Эльнар Субакожоев Мамлекет башчысына Зардалыдан байланышка чыгып маалымат берип жатканын көрүүгө болот.
Эске салсак, мамлекет башчысынын 29-сентябрдагы Зардалыга болгон иш сапарынын алкагында, айыл тургундары жол салуу жана электр жарыгын жеткирүү менен катар уюлдук байланыш көйгөйүн чечип берүүнү өтүнүшкөн.
