Баткен районунун чек арага чектеш Ак-Сай айылында Тажикстандын соңку куралдуу кол салуусунан жараксыз абалга келген Б.Ходжаев атындагы орто мектеби жана “Жакшылык”, “Эделвейс” балдар бакчалары мурдагы оруднан көчүрүлүп коопсуз жерге курулуш иштери башталды. Бул тууралуу Баткен аймактык шаар куруу жана архитектурасынан кабарлашты.
Маалыматка ылайык, Ак-Сайга курулуп жаткан билимкана 275 орундуу жана бала бакча 75 балага ылайыкталган.
Эске салсак, 2022-жылдагы куралдуу калабада Ак-Сай айыл аймагында 180 үй тонолуп, өрттөлүп, 4 социалдык объект жараксыз абалга келген.
