Баткен шаарынын Кызыл-Жол кварталынын 54 жаштагы тургуну өзүнүн жашаган үйүндөгү короосунан 2023-жылдын 2-мартынан 3-мартына караган түнү белгисиз адамдар тарабынан базар баасы 70миң сомдук бир баш бодо малы уурдалганын билдирип, арыз менен милицияга кайрылган.
Милиция кызматкерлери тарабынан жүргүзүлгөн ыкчам-иликтөө иш-чарасынын натыйжасында , Кадамжай районунун Исхак-Полотхан айыл аймагынан кылмышка шектүү катары үч тургун кармалып, уурдалган бодо мал өз ээсине кайтарылып берилди. Бул тууралуу облустук милициянын басма сөз кызматы билдирди.
Учурда тергөө иштери жүрүп жатат.
