Тажикстандын Тоолуу Бадахшан облусунда кар көчкү жүрүп 9 адам каза болду. Бул тууралуу
Спутник маалымат агенттигинин тажик кызматы жазды.
Маалыматка караганда, учурда дайынсыз болуп жаткан адамдар да бар, куткаруучулар аларды издеп жатышат. 12 жабырлануучу ооруканага жеткирилген.
Тажикстанда орун алган кырсыкка байланыштуу Президент Садыр Жапаров Тажикстандын президенти Эмомали Рахмонго жаратылыш кырсыгынын кесепетинен адамдардын курман болгондугуна байланыштуу көңүл айтты.
Бул тууралуу президенттин басма сөз кызматынан билдиришти.
