Облусттук милициянын берген маалыматына ылайык, өткөн жылдын ноябрь айында «Курма мөмөсүн сатып берем»- деп алып кетип изин жашырган жарандын үстүнөн Кадамжайдын Исхак-Полотхан айыл аймагынын жергиликтүү тургундарынан сегиз арыз түшкөн. Шектүү арыздануучуларга 82 миңден ашуун каражат зыян келтирген.
Жергиликтүү милиция тарабынан шектүү Жалал-Абад облусунун Аксы районунан кармалган.
Тергөөнүн жүрүшүндө кылмышка шектүү мурда да «алдамчылык» беренеси менен сот жообуна тартылганы маалым болгон.
Учурда кармалган жаран убактылуу кармоо жайына киргизилип, тергөө амалдары уланууда.
