Баткендин чек арадагы Ак-Сай айылынын тургунуна тиешелүү алты уй 27-ноябрда короодон чыгып кеткен бойдон табылбай жатканы тууралуу милицияга кабар түшкөн.
Териштирүү учурунда кароосуз калган алты уй аталган айылга чектеш Ворух анклавынын аймагына өтүп кеткени аныкталган. Баткен райондук милициясынын кызматкерлери Тажикстандын Исфара районундагы ички иштер бөлүмүнүн өкүлдөрү менен сүйлөшүүлөрдү жүргүзүп, анын натыйжасында кошуна өлкөгө өтүп кеткен 6 уй ээси, Ак-Сай айылынын тургуну Запарбек Жолдубаевге кайтарылып берилди.
Бул тууралуу бүгүн облустук милициянын маалымат кызматынан кабарлашты.
