Күрөш боюнча дүйнө чемпиону Акжол Махмудов батирлүү болгонун инстаграм баракчасына жазды. Ал“ Сиздер менен жакшы жаңылык менен бөлүшкүм келет.
«АЮ Курулуш» компаниясы мага жана менин командамдагы спортчуларга заманбап үлгүдө жасалгаланган , толук эмеректери бар батирлердин ачкычын тапшырды! Биз үчүн бул спорттогу мындан аркы ийгиликтерге чоң стимул жана колдоо!
Мындай көңүл буруп, спорттук жетишкендиктеримди баалап жаткан Шаршенбек Абдыкеримовго жеке өзүмдүн атымдан терең ыраазычылык билдирем — деп жазган Акжол Махмудов.
Батирдин ачкычын “АЮ Курулуш” компаниясы тапшырды. Аталган компаниянын фейсбуктагы баракчасына жазылгандай, батирлер Акжол Махмудов менен катар спортчулар Арсен Алиевге, Жоламан Шаршенбековго,Улукбек Жолдошбековго жана Калы Сулаймановго да тапшырылган.
