Ислам шериктештиги оюндарында Айсулуу Тыныбекова кыз-келиндер күрөшү боюнча алтын медал тагынды.
Айсулуу Тыныбекова алгач казакстандык спортчуну жеңген. Жарым финалда болсо сенегалдык атаандашы менен беттешип, 10:0 эсебинде утту.
Ал эми финалдык беттеште гвинеялык балбан менен беттешип, 11:0 эсебинде жеңишке жетти.
Айсулуу Тыныбекованын бул байгеси Ислам оюндарындагы экинчи байгеси болду. Ал 2017-жылы да алтын медал тагынган.
Белгилей кетсек, Эрназар Акматалиев да аталган мелдеште эркин күрөш боюнча алтын медалдын ээси болду.
Эрназар Акматалиев жалпы 4 беттешке чыкты. Ал финалдык беттеште 6:0 эсебинде ирандык балбанды жеңди.
Аталган мелдеш Түркиянын Конья шаарында өтүп жатат. Бул тууралуу КР Дене тарбия жана спорт департаментинен билдиришти.
