Маймыл чечеги вирусунун белгилери тууралуу Республикалык штаб маалымат таратты.
Ага ылайык:
— дене табынын көтөрүлүшү, баш оору, булчуң эттердин оорусу, далынын оорушу, лимфа түйүндөрүнүн чоңоюшу, чыйрыгуу жана чарчоо;
— денеге беттен баштап дененин башка бөлүктөрүнө, анын ичинде жыныс органдарына жайылган майда жарааттар чыгышы мүмкүн;
— майда жарааттар өзгөрүп, карттанып түшөрдүн алдында алды менен ар башка стадияларга өтөт жана суу чечек же сифилистеги жарааттар сыяктуу көрүнүшү мүмкүн.
“Бул белгилер байкалган учурда үй-бүлөлүк дарыгерге же бейтапканага кайрылуу зарыл, өз алдынча дарыланууга болбойт”, — деп айтылат маалыматта.
Белгилей кетсек, буга чейин республикалык штаб, дүйнөдө маймыл чечек оорусу тарап жатат деп маалымдаган.
