Кыргызстан мусулмандар дин башкармалыгынан билдиришкендей, мечит бир айдын ичинде бузулат. Анткени мечиттин эскилиги жеткендиктен, жаңы мечит куруу муктаждыгы жаралган.
Эски мечит 5 миң адамга ылайыкталган, жаңысы болжол менен 10 миң кишилик болот. Андан тышкары, шаардагы унаалардын көптүгүн эске алып, жер астындагы унаа токтотуучу жай да салынат.
Маалыматта, Муфтият имараттын дубалдарына кыргыз колоритин, оймо-чиймелерди түшүрүүнү караштырып жаткандыгы белгиленет.
Аталган мекеменин басма сөз кызматынын башчысы Максат Атабаев, борбордук мечиттин ичиндеги 1944-жылы курулган эски мечит, тарыхий мурастарга киргендиктен, ал жаны курулуучу мечиттин ичинде, музей катары калаарын кошумчалады.
