Чоң-Алай районунда жүк ташуу унаадагы контейнер жолдо бараткан “Портерди” басып калган.
Өзгөчө кырдаалдар министрлигинен билдиришкендей, Ош-Сары-Таш-Карамык унаа жолунун 66-чакырымында Volvo үлгүсүндөгү оор жүк ташуучу унаанын чиркегичиндеги контейнери, карама-каршы жолдо келе жаткан Hyundai Porter үлгүсүндөгү унаанын кабинасына түшүп кеткен.
Кырсыктын кесепетинен 4 жаштагы жана 6 жаштагы балдар жана 36 жаштагы Ж эркек киши каза болуп, 29 жаштагы эркек киши жабыркаган.
Жерине төрт куткаруучу тартылып, жабыркаган адамдарды жана каза болгондордун сөөгүн унаадан чыгарып, тез жардам кызматына өткөрүп беришкен.
