Ош шаарында төрт эм төрөлдү. Бул тууралуу Ош облустук төрөт үйүнүн жетекчиси Асылкан Асанова маалымат каражаттарына билдирди.
Төрт эмдин экөө уул, экөө кыз.Алардын апасы 32 жаштагы Замирахон Каримованын жана балдардын абалы жакшы дейт дарыгер. Ымыркайлар айына жетпей төрөлгөн.Алар бүгүн 17-майда төрөт үйүнөн чыгарылаары айтылды.
Наристелер 1 кг 200 граммга чейинки салмакта төрөлгөн. Төрт эм Замирахондун үчүнчү төрөтү. Буга чейин ал эки уулду жарык дүйнөгө алып келген.
