Баткендик Кылычбек Убайдиллаев жана Минура Адилбековалар Россия Федерациясынын Санк-Петербург шаарында өткөрүлгөн дүйнө биринчилигине катышып, 3 орунду камсыз кылып, коло медалга ээ болушту. Бул тууралуу Баткен райондук мамлекеттик администрациясынын басма сөз кызматы маалымдады.
Спортчуларды жергиликтүү жетекчилер жана спортчулардын жакындары тосуп алышты.
Кыргызстандын анын ичинде Баткен районунун атын алыска таанытып, желегин дагы бир ирет желбиреткен спортчуларды аким Учкунбек Жоробаев куттуктап, Баткен райондук мамлекеттик администрациясынын Ардак грамотасы менен сыйлады.
Кылычбек Убайдиллаев 2008-жылы Баткен районуна караштуу Ак Турпак айылында туулган. Ал Ош областынын Ноокат районундагы спорт клубунда спорттун айкидо жана пенчак силат түрү боюнча машыгып келүүдө.
Жеке таймаш боюнча Кыргызстандын 3 жолку чемпиону.
РФнын Санкт-Петербург шаарында өткөн Эл аралык турнирде жыйырмадан ашуун мамлекеттин ичинен 3-орунду камсыз кылып келди.
Ал эми Минура Адилбекова 2006-жылы Төрт-Гүл айыл өкмөтүнүн Ак-Турпак айылында туулган. Спорттун жеке таймаш түрү боюнча Кыргыз Республикасынын 3 жолку чемпиону, Кыргызстан биринчилигинде коло медалдын ээси, Россия Федерациясынын Санк-Петербург шаарында өткөрүлгөн дүйнө биринчилигинде мелдешке катышып 3 орунду камсыз кылып коло медалга ээ болду.
