Баткен шаарында «Баткен Ыйман Нуру» кайрымдуулук фонду тарабынан уюштурулган кайрымдуулук иш-чарасы өткөрүлдү.
Анда Баткен районунун жана шаарынын аймагынан келген жалпы 59 балага фонд тарабынан кийим-кече жана акчалай жардам көрсөтүлдү. Мындан сырткары, балдарга Баткен облустук китепканасы тарабынан кызыктуу китептер белеке берилди.
Ошондой эле фонд тарабынан шайланган балдардын өкүл ата-энелери тарабынан да белектер тапшырылды.
Облустук өкүлчүлүктөн билдиришкендей, бүгүнкү күндө Баткен облусунун аймагында жалпысынан ата-энесинен ажыраган 143 бала болсо, 4 миң 349 жарым жетим балдар бар.
