Тажикстандын Согди облусунда каза болгон үч адам Лейлек районунун Достук айлында жерге берилди. Бул тууралуу “Салам Медиага” Достук айлынын башчысы Сулайман Эргешов билдирди.
29-май күнү Тажикстандын Согди облусунун Жийделик айылынын 3 жараны (этникалык кыргыздар) белгисиз адамдар тарабынан бычакталып өлтүрүлгөн.
Алдын ала маалыматка караганда, Тажикстандын бийлиги тарабынан сөөктөрү алынып келип, туугандарына өткөрүлүп берилген. Маркум жубайлардын артында жашы жете элек 3 баласы калды — деп айтылат маалыматта.
