«Баткен облусун жеңилдетилген каржылоо-2» долбоорунун алкагында 98 ишкерге 86,1 млн сом суммасында жеңилдетилген насыя берилди. Бул тууралуу Финансы министрлигинен билдиришти.
Маалыматка ылайык, Бул долбоорду ишке ашырууга республиканын 2 коммерциялык банкы катышууда, кредиттөөнүн жалпы көлөмү 350 млн сомду түзүүдө.
Ал эми аталган долбоор, Баткендик ишкерлерге жана жеке жактарга жеткиликтүү жана жеңилдетилген кредиттик каражаттарды берүү жолу менен мамлекеттик колдоо көрсөтүү максатын көздөйт.
Эске салсак, “Баткен облусун жеңилдетилген каржылоо-2” долбоору үстүбүздөгү жылдын 28-августунда Министрлер кабинети тарабынан бекитилген.
