Бүгүн, 1-ноябрда Саламаттыкты сактоо министрлиги, Кыргызстанда кызамык боюнча кырдаал оор бойдон калганын маалымдады.
Министрликтин маалыматында, жыл башынан бери 3 миң 289 адам кызамык оорусуна чалдыкса, алардын көбү 4 жашка чейинки балдар.
Бишкекте 989 адам кызамыкка чалдыкса, Ош шаарында 321 адам, Ош облусунда 683 адам, Чүйдө 515 адам, Жалал-Абадда 501 адам жана Ысык-Көлдө 68, Баткенде 94, Таласта 92 жана Нарында 26 учур катталган.
Министрлик кызамыкка чалдыккандардын көпчүлүгү эмдөөдөн өтпөгөндөр экенин кошумчалады.
