Баткен шаарынын аймагында 4-5-сентябрь күндөрү жүргүзүлгөн “Камкордук” иш-чарасынын жүрүшүндө Баткен шаардык ички иштер бөлүмүнүн жашы жете элек өспүрүмдөр менен иштөө инспекциясынын кызматкерлери тарабынан 7 жакыр жашаган үй-бүлө аныкталган. Бул тууралуу Баткен облустук милициясынын басма сөз кызматы кабарлады.
Иш чарада тиешелүү маалыматтар топтолуп, социалдык жактан камсыздоо бөлүмдөрүнө сунуштар берилди.
Ошондой эле шаар аймагындагы жаш өспүрүмдөрдүн камкордугун камсыздоо максатында калк арасында ата-энелерге, мыйзамдуу өкүлдөргө түшүндүрүү иштери милиция кызматкерлери тарабынан жүргүзүлүүдө.
