Бул тууралуу облустук милициядан билдиришти.
Маалыматка караганда, милиция Кулуңду айыл аймагынын Үч-Булак, Бешкент, Кайрагач, Эски-Овчу, Максат, Интернационал, Кулуңду, Раззаков айылдарындагы тургундардын каттоодо турган курал-жарактардын сактоо мөөнөттөрүн, сактоо эрежелерин текшерип чыкты.
Натыйжада, каттоодо турган курал-жарактардын сактоо эрежелерин бузган беш турганга эскертүү берилди. Ошондой эле бир жаран мыйзамсыз сактап жүргөн сайсыз куралын өз ыктыяры менен милиция кызматкерлерине тапшырды.
