Бүгүн, 29-июнда Жогорку Кеңештин депутаты Марлен Маматалиев сунуштаган «Полимер пленкасынан пакеттерди жүгүртүүнү чектөө жөнүндөгү” мыйзам долбоору үчүнчү окууда кабыл алынды.
Кабыл алынган мыйзам долбоору аркылуу Кыргызстанда полимердик материалдардын ден соолукка жана айлана-чөйрөгө зыяндуу таасирин азайтуу максатында полимерден жасалган бир жолу колдонулуучу таңгак пакеттерин импорттоого, өндүрүүгө жана сатууга тыюу салууга багытталган чектөөчү чараларды киргизүү каралууда.
