Өзгөчө кырдаалдар министрлигинин маалыматына таянсак, “Атайын алдын алуу жана кесепеттерин жоюу” чараларынын негизинде Лейлек районунун аймагында быйылкы жылга карата 28 участка мерчемге кирген.
Учурда аткарылган жумуштун көлөмү 80% камсыздалып, Бешкент айыл өкмөтүнүн Эски-Оочу айылында жүрүп жаткан жумуш Лесхоз тилкесинде улантылууда.
Натыйжада сел өтүүчү сайдын 100 м аралыгында 150 даана габион торчолору орнотулат.
Сел коркунучунан коргоо чараларынын жыйынтыгы менен район аймагында 192 турак үй, ФАП жана мектеп имараты, мечит жана көпүрө, ошондой эле 3 миң 820 метр ички чарбалык жол, 22 гектар үлүш жер аянты, трансформатор жана скважина коргоого алынат.
Автор: Сабира Бакирбек кызы
