Кыргызстандын жогорку окуу жайларына тапшыруу үчүн 2023-жылы абитуриенттерге Жалпы республикалык тестирлөө 20-майда башталат. Бул тууралуу Билим берүү жана илим министрлигинен маалымдашты.
Жалпы республикалык тестирлөө төмөндөгүдөй график менен өткөрүлөт:
I этап: 2023-жылдын 20-21-майында;
II этап: 2023-жылдын 23-24-майында;
Жүйөлүү себептер менен тест тапшырбай калган абитуриенттер үчүн мөөнөтүнөн кийинкиге калтырылган тестирлөө III этапта өтөт. Ал министрлик тарабынан 23-24-июнга бекитилген.
Мындан сырткары, министрлик каттоого жетишпей калган абитуриенттер үчүн 19-22-май жана 22-июнь күндөрү тест борборлорунда кошумча каттоо жүргүзөт.
