Кыргыз-тажик чек арасында болгон кагылышуунун кесепетинен улам, Баткен облусунун ишкердик субьекттерине келтирилген зыяндын ордун толтуруу максатында, мамлекет тарабынан 79 жеке ишкерге 300 000 сомдон материалдык жардам көрсөтүлүп, жалпы 23 млн 700 миң сом төлөнүп берилди.
Мындан сырткары Финансы министрлигинин алдындагы финансы-кредиттик фондунун өкүлдөрү облустун аймагында жабыр тарткан ишкерлерге жеңилдетилген насыя берүү үчүн ар бир ишкер менен келишимдерди түзүүнүн үстүндө иш алып барып жатышат.
Бул тууралуу облустук бийликтин маалымат кызматы билдирди.
