Улуттук Банктын Баткен облусундагы өкүлчүлүгүнүн алдын ала маалыматына ылайык акыркы чек ара жаңжалында жапа чеккен жарандардын банктардан алган насыялары 514тү түзөт.
Анын ичинен 366 насыя, же болбосо 31 млн 480 миң сому жоюлду. Ал эми 224 насыянын же болбосо 63 млн 683 миң сомдун төлөө жолдору өзгөртүлгөн жана жеңилдетилген.
Ак-Сай айылындагы жабыркаган тоок ферманын ээсинин «Айыл Банк» тарабынан алынган 9 млн 600 миң сом насыясы толугу менен жоюлуп, өндүрүштү кайрадан калыбына келтирүүгө мамлекет тарабынан 30 млн сом жеңилдетилген насыя берилди.
